ТДМ №4, 10, 16: «Әрбір адам маңызды» тақырыбында семинар-тренинг өтті

2 қазан күні әл-Фараби атындағы Қазақ ұлттық университетінің кітапханасында инклюзивті орта қалыптастыруға бағытталған «Әрбір адам маңызды» жобасы аясында оқыту семинары өтті. 

Жоба Алматы қаласы Жастар саясаты басқармасының қолдауымен жүзеге асырылып жатыр және ерекші білім беру қажеттілігі бар студенттерге арналған нысандардың қолжетімділігін бағалау, сондай-ақ инклюзивті ортада қарым-қатынас этикасына үйрету бағыттарын қамтиды. 

Іс-шараны өткізуге университет жанындағы «Инклюзивті орта» ғылыми-тәжірибелік орталығы үлкен үлес қосты, олар кездесудің ұйымдастырушылық және мазмұндық жағын белсенді қолдады. 

Жобаның үйлестірушісі — Ақжолтай Айдос. 
Семинар сарапшысы — Джепка Богдан Игоревич, инклюзия және мүмкіндігі шектеулі жандардың құқықтары саласындағы маман. 

Семинарға ҚазҰУ-дың оқытушылары мен факультет декандарының орынбасарлары қатысты, бұл университеттің қолжетімділік пен инклюзивтілік мәселелеріне зор мән беретінін көрсетеді. 

Семинар барысында инклюзивті өзара әрекеттестік қағидаттары, мүмкіндігі шектеулі адамдар кездесетін кедергілер және олармен қарым-қатынас этикасы сияқты өзекті тақырыптар талқыланды. Қатысушыларға баршаға қолайлы, құрметке негізделген орта қалыптастыруға арналған тәжірибелік ұсыныстар берілді.  Іс-шара университет қабырғасында ғана емес, жалпы қоғамда да инклюзивті құндылықтарды ілгерілетуге жасалған маңызды қадам болды.