Халықаралық қатынастар және әлемдік экономика кафедрасының доценттерінің Әзербайжанға іссапары

Әл-Фараби атындағы ҚазҰУ-дың халықаралық қатынастар және әлемдік экономика кафедрасының доценттері Ермекбаев Әділбек Алпысбайұлы мен Жекенов Думан Құрманназиевич Әзербайжан еліне іссапар жасап, бұл сапар екі ел арасындағы ынтымақтастықты нығайту жолындағы маңызды қадам және жаңа бірлескен жобаларға мүмкіндік ашқан оқиға болды.

Іссапар аясында кафедра өкілдері STEM орталығымен бірлесіп ұйымдастырылған Баку Еуразия университетіндегі дөңгелек үстелге қатысып, аймақтық өзара іс-қимыл, ғылым мен білім саласындағы әріптестік бағыттарын талқылады.

Сонымен қатар делегация әзербайжандық телеарнадағы подкастқа қатысып, Қазақстан мен Әзербайжан арасындағы ынтымақтастықтың өзекті бағыттарын, сондай-ақ ғылым мен білімнің аймақтық байланыстарды нығайтудағы рөлін талқылады.

Әзербайжан көпмәдениеттілік орталығында өткен мазмұнды кездесуде мәдениеттер диалогының құндылығы мен екіжақты қатынастарды дамытудағы өзара түсіністіктің маңызы сөз болды.

Іссапардың маңызды кезеңдерінің бірі — Транскаспий халықаралық көлік бағытының стратегиялық торабы саналатын Әлят халықаралық теңіз портына бару болды. Бұл нысан өңірдің транзиттік әлеуетін арттыруда шешуші рөл атқарады.

Сапардың ерекше рухани бөлігі — Әзербайжанның қасиетті орындарының бірі саналатын Биби-Хейбат мешітіне бару болды. Мұнда Пайғамбар Мұхаммедтің шөбересі Үкейма ханым жерленген. Бұл қасиетті орынға бару тарихты, иманды және рухани мұраны ұлықтау белгісі ретінде зор құрметке ие болды.

Сапар ғылыми, мәдени, медиялық және рухани бағыттарды қамтып, Қазақстан мен Әзербайжан арасындағы ынтымақтастықтың негізі өзара құрметке, сенімге және даму жолындағы ортақ ұмтылысқа сүйенетінін көрсетті.