Гендерлік теңдік мәселесі талқыланды

Абай атындағы Қазақ ұлттық педаго­ги­калық универ­си­те­тінің кітапханасында Әл-Фараби атындағы Қазақ ұлттық уни­вер­ситеті заң факуль­теті­нің Қаржы, кеден және экологиялық құқық кафедра­сы­ның оқытушылары заң клиникасының өкілдерімен бірлесе отырып, «Гендерлік теңдік және әйелдер мен қыздардың құқығын кеңейту» та­қырыбы аясында дөңгелек үстел өткізді. 

Іс-шараға қабылдаушы жо­ғары оқу орнының тарих және құқық факультетінің «Құ­қықтану» мамандығы бо­­йынша білім алушы 1-2 курс студенттері мен Құқық ка­фе­драсының оқыту­шы­ла­­ры – заң ғылымының док­то­ры, профессор Айгүл Би­жа­нова мен PhD докторы Ди­­нара Белқожаева қа­тыс­ты.

БҰҰ Орнықты даму мақ­сат­тарын Қазақстан ау­ма­ғында, оның ішінде жастар арасында түсіндіру, кең на­си­х­аттау және жүзеге асы­ру тетіктеріне талдау жасау қа­жеттіліктеріне сәйкес ұйым­дастырылған бұл ма­ңыз­ды дөңгелек үстелдің ма­ңызы ерекше болды. Өйт­кені гендерлік ұғымына дұ­рыс талқы жасау, мем­ле­кетіміздің ресми ұстанып отырған гендерлік сая­сат­тың мазмұнын толық ашу, гендерлік пен жыныстық қа­тынастардың өзара ара­қа­тынасын ажырата білу – өзек­ті мәселе. Ал мұндай бас­қосу өскелең жас буын­ның гендерлік сауат­ты­лы­ғын қамтамасыз етуді көз­дейді. Шара барысында, әс­і­­­­ресе ерлер мен әйел­дер­­дің тең құқығы мен мүм­кін­дігі туралы арнайы ҚР заң­­­­намасына, сондай-ақ жи­­­­нақталған заманауи озық халықаралық тәжі­ри­беге ба­са назар аударылды. Екі са­ғатқа созылған жиын со­ңын­да студенттер қарас­­ты­рылып отырған мәселеге орай көкейкесті сұрақтарын қойды, оған ҚазҰУ өкілдері тарапынан нақты жауап бе­рілді.

Жайсаңбек АМАНЖОЛОВ,

Қаржы, кеден және экологиялық құқық кафедрасының доценті,

заң ғылымының кандидаты