Үздік инновациялық жоба

ҚазҰУ-дың Тех­нологияларды ком­мер­цияландыру және креативті индус­трия орталы­ғы­ның ұйым­дас­­ты­руы­мен сту­дент­тік биз­­нес-инкубатор аясында өткен «Үздік инновациялық жоба» байқауында тарих факультетінің жобасы жүлделі орынға ие болды.

Байқауға Қазақстан та­ри­хы кафедрасының оқы­ту­шысы Жұлдыз Ма­рат­қы­зы жетекшілік еткен ко­­манда «Виртуалды па­лео­­лит» ат­ты стартап жо­ба­сымен қаты­сып, үшінші орын­ды жеңіп ал­ды. Жо­ба­да 1-курс сту­дент­тері Да­нияр Аро­нов, Ар­ман Тө­ле­ген, Болат Сей­дуллаұлы белсенділік та­ны­тып, жо­ғары нәтиже көр­сетті.

Гуманитарлық бағыт­та­ғы жоба үшін IT техно­ло­гия­ларын тиімді қолдана оты­рып, көпфункционалды өнім жасау ерекше жетістік. Бұл бастама пәнаралық бай­ла­ныс­ты дамытып, тарих ғы­лымын заманауи құрал­дар­мен ұштастырудың үлгісіне айналды.

«Виртуалды палеолит» жо­басы ежелгі дәуірлер та­рихын визуалды түрде оқы­туды мақсат тұтып, за­ма­науи бағдарламалық ше­­­шім­­дерді қолдану ар­қылы тарихи білімді жаңа фор­матта жеткізуді көз­дей­ді. Бұл оқыту үрдісін қы­зық­ты әрі қолжетімді ете түсті.

Жоба жетекшісі мен қа­тысушы студенттер бай­қау­ды ұйымдастырған ҚазҰУ басшылығына, Тех­но­логия­лар­ды коммерцияландыру және креативті индустрия орталығына алғыс білдірді. Олар бұл жобаны бола­шақ­та әрі қарай жетілдіріп, ке­ңінен дамытуды жоспарлап отыр.

Эльвира ҮМБЕТЖАНОВА,

Технологияларды коммерцияландыру

және креативты индустрия

орталығының жоба менеджері