География және табиғатты пайдалану факультетінің  №3 Ғылыми кеңес отырысы өтті

2025 жылдың 31 қазанында география және табиғатты пайдалану факультетінің Ғылыми кеңес отырысы өтті. Отырыс аудитория 225-те деканат, кафедра меңгерушілері, профессор-оқытушылар құрамы мен факультет ғылыми қызметкерлерінің қатысуымен ұйымдастырылды.

Отырыс барысында факультеттің білім беру, ғылыми-зерттеу және ұйымдастырушылық қызметіне қатысты өзекті мәселелер талқыланып, факультеттің ғылыми және білім беру әлеуетін арттыруға бағытталған шешімдер қабылданды.

Күн тәртібіндегі негізгі мәселелер:

1. Университеттің Ғылыми кеңесінде және факультет деканатында қаралған мәселелерді іске асыру

Факультет деңгейінде орындалатын іс-шаралар туралы есеп ұсынылды. Білім беру сапасын арттыру, оқу материалдарын цифрландыру, студенттер мен оқытушылардың академиялық мобильдігін кеңейту мәселелері талқыланды.

2. «ЖОО-ның үздік оқытушысы» республикалық байқауына құжаттар дайындау

Кафедра меңгерушілеріне байқауға қатысатын оқытушылардың құжаттарын дер кезінде жинақтап, дұрыс рәсімдеу тапсырылды. Ғылыми жарияланымдарға, оқу-әдістемелік жұмыстарға, инновациялық жобалар мен студенттердің ғылыми жетекшілігіне қойылатын талаптар нақтыланды.

3. 2025–2026 оқу жылының күзгі семестріндегі РК-1 қорытындылары

Факультет бойынша оқу жетістіктерінің көрсеткіштері қарастырылды. Нәтижелері төмен пәндер бойынша студенттермен қосымша кеңес беру және әдістемелік қолдауды күшейту ұсынылды.

3.1. Монографияларды баспаға ұсыну

Факультет қызметкерлері әзірлеген үш ғылыми монография қарастырылды: «Қазақстанның ірі қалаларының тұрақты дамуын кешенді географиялық бағалау» – ұжымдық монография, 260 бет; «Батыс Қазақстан өңірінің демографиялық тұрақты дамуы: әдіснамасы, геодемографиялық бағалау және болжам» – ұжымдық монография, 219 бет; «Қазақстан Республикасының адами капиталының кеңістіктік тұрақтылығы» – монография, 218 бет.

Зерттеулердің өзектілігі, ғылыми жаңалығы және практикалық маңызы атап өтілді. Барлық монографиялар баспаға ұсынылуға ұсынылды.

3.2. Студенттер арасында анкета жүргізу

Факультет студенттері арасында ішкі анкеталау мәселесі талқыланды. Анкеталаудың мақсаты: оқу үдерісін ұйымдастыру сапасын бағалау; студенттердің оқыту, білім беру жағдайлары және сабақ кестесіне қанағаттану деңгейін анықтау; білім беру ортасын жақсарту үшін ұсыныстар мен кері байланыс жинау.

Ғылыми кеңес мүшелері анкетаны әр семестр сайын тұрақты түрде өткізу туралы шешімді қолдады. Нәтижелер кафедралар, білім беру бағдарламалары және пәндер бойынша талданып, тиісті шаралар қабылданады.

3.3. Квалификациялық мәселелер

Ғылыми кеңес факультет қызметкерлерін ғылыми атақтарға ұсыну бойынша кандидатураларды қарастырды. Ғылыми жарияланымдары, ғылыми жобаларға қатысуы, магистранттар мен докторанттарға жетекшілік ету көрсеткіштері талданып, оң шешімдер қабылданды.

Отырыс қорытындысы

Отырыс конструктивті атмосферада өтті. Қабылданған шешімдер: факультеттің ғылыми әлеуетін арттыруға; мамандар даярлау сапасын көтеруге; ғылыми-зерттеу жұмыстарын қолдауға; оқытушылардың кәсіби байқаулар мен жобаларға қатысуын кеңейтуге бағытталды.

Факультет білім беру ортасын, ғылыми зерттеулерді және халықаралық ынтымақтастықты дамыту бойынша жұмыстарды жалғастырады.