ҚазҰУ мен PolyU қонақ дәрістер сериясын жалғастыруда:д-р Тиффани Чэн сервис-оқыту мен экотуризм туралы баяндама жасады

2025 жылдың 15 қазанында әл-Фараби атындағы ҚазҰУ-да Гонконг Политехникалық университетінің (PolyU) Қонақ үй және туризм менеджменті мектебімен бірлесіп ұйымдастырылған PolyU–KazNU Guest Lecture Series онлайн-дәрістерінің үшінші кездесуі өтті. Дәрісті Dr. Tiffany Cheng, PolyU онақ үй және туризм менеджменті мектебінің инструкторы, сервис-оқыту, тұрақты туризм және білім беру инновациялары саласының маманы өткізді. Дәріс тақырыбы — «Service Learning and Ecotourism» («Сервис-оқыту және экотуризм»).

Іс-шараны PolyU–KazNU Орталық Азиядағы тұрақты даму бойынша орталығы мен ҚазҰУ-дың география және табиғатты пайдалану факультетінің рекреациялық география және туризм кафедрасы ұйымдастырды.

Кездесуді кафедраның аға оқытушысы және Орталықтың әкімшілік ассистенті Елдар Нұрулы жүргізді. Дәріс бакалавриат, магистратура және PhD студенттері мен оқытушылардың үлкен қызығушылығын тудырды.

Дәрістің мазмұны

Dr. Tiffany Cheng өз баяндамасында сервис-оқытудың (service learning) студенттерге теориялық білімді нақты өмірлік тәжірибемен ұштастырып, жауапкершілік, эмпатия және көшбасшылық дағдыларын қалыптастыруға көмектесетінін көрсетті. Ол сервис-оқытудың мәні тек тұрақтылық туралы түсінік беруде емес, оны тәжірибе арқылы сезіну мен жүзеге асыруда екенін атап өтті. Студенттер жергілікті қауымдастықтармен тікелей жұмыс істей отырып, экотуризмді дамыту мен әлеуметтік мәселелерді шешуге өз үлесін қосады.

Dr. Cheng ерекше мысал ретінде Шабанбай би ауылындағы жоба тәжірибесін бөлісті. Бұл жоба барысында студенттер жергілікті халықпен серіктестікте аймақтың туристік әлеуетін дамытып, экологиялық мәдениетті нығайтуға атсалысты. Бұл оқиға дәрістің ең әсерлі бөлігі болды — ол сервис-оқытудың жастарды жауапкершілікке баулып, қоғаммен шынайы серіктестік орнатуға мүмкіндік беретінін көрсетті.

Сонымен қатар спикер сервис-оқытудың тиімділігі қоғаммен серіктестікті, жергілікті мәдениетке құрметті және бірлескен шешім қабылдауды талап ететінін атап өтті. Мұндай тәжірибенің ажырамас бөлігі — студенттердің өз тәжірибесін рефлексия арқылы сараптап, ішкі өзгерістерін түсінуі.

Талқылау және сұрақтар

Сұрақ-жауап бөлімінде студенттер белсенділік танытып, сервис-оқытудағы этикалық шекаралар, эмпатияның рөлі және жобалардың нақты нәтижелерін бағалау жолдары туралы сұрақтар қойды. Dr. Cheng барлық сұрақтарға шынайы және толық жауап беріп, сервис-оқытуды қайырымдылық емес, тең серіктестік пен бірлескен даму құралы ретінде қарастыру қажеттігін айтты.

ҚазҰУ мен аймақ үшін маңызы

Dr. Tiffany Cheng-тің дәрісі сервис-оқыту мен экотуризмді тұрақты дамудың маңызды элементтері ретінде ұсынды. Бұл тақырыптар БҰҰ-ның Тұрақты даму мақсаттарымен (ТДМ) тығыз байланысты — атап айтқанда, ТДМ 4 (Сапалы білім беру), ТДМ 11 (Тұрақты қалалар мен елді мекендер) және ТДМ 17 (Тұрақты даму жолындағы әріптестік).
Dr. Cheng ұсынған тәжірибе Қазақстан мен Орталық Азияда экотуризм мен жастардың экологиялық мәдениетін дамыту үшін ерекше өзектілікке ие.

Алғыс

Әл-Фараби атындағы ҚазҰУ Dr. Tiffany Cheng-ке шабыттандыратын дәрісі мен шынайы жылы ықыласы үшін зор алғыс білдіреді.
Сондай-ақ Гонконг Политехникалық университетінің Қонақ үй және туризм менеджменті мектебіне PolyU–KazNU Guest Lecture Series аясындағы академиялық серіктестікті дамытуға қосқан үлесі үшін ризашылығын білдіреді.