Шығыстану факультетінің жас ғалымдарына арналған ғылыми семинар «Диссертация жазуда және ресімдеуде жиі кездесетін қателер»

2025 жылғы 14 қарашада сағат 14:00-де 546-дәрісханада Түріктану және Шығыс елдерінің тарихы кафедрасының зерттеуші-доценті, ф.ғ.д. Сүйерқұл Ботагөз Мырзабайқызы «Диссертация жазуда және ресімдеуде жиі кездесетін қателер» тақырыбында ғылыми семинар өткізді.

Семинар барысында докторанттарға диссертация тақырыбын таңдау, материал жинау, дереккөздермен жұмыс істеу, зерттеу жүргізу, ғылыми жұмысты жазу және рәсімдеу барысында жиі кездесетін қателер мен олардың алдын алу жолдары жан-жақты түсіндірілді. Сонымен қатар ғылыми-зерттеу және аналитикалық қабілеттерді дамыту, уақытты тиімді пайдалану, ғылыми жетекшілермен дұрыс қарым-қатынас орнату, диссертацияны белгіленген мерзімде қорғау, ашықтық пен шынайылық қағидаларын сақтау, сондай-ақ қоғамдағы мәртебе мен тұлғалық дамуда жетістіктерге қол жеткізу сияқты маңызды мәселелер талқыланды.

Ғылыми семинар докторанттарға ғылыми ізденісінің тиімділігін арттыру және кәсіби дамуда жаңа деңгейге көтерілуді қамтамасыз етуге қажетті практикалық және стратегиялық ақпарат алуға мүмкіндік берді.

Түріктану және Шығыс елдерінің тарихы кафедрасының зерттеуші-доценті, ф.ғ.д. Сүйерқұл Ботагөз Мырзабайқызы