Farabi University

Экономика және Бизнес жоғары мектебі

Құрметті достар, Экономика және бизнес жоғары мектебіне қош келдіңіздер! Әл-Фараби атындағы ҚазҰУ-дың Экономика және бизнес жоғары мектебі -  1949 жылы ашылып, 1963 жылы Алма-ата халық шаруашылығы институтының құрылуына негіз болған, Қазақстандағы жоғары білікті экономистерді даярлайтын ең алғашқы және кең ауқымды қамтитын орын болып табылады; Мұнда жыл сайын экономика және бизнес, менеджмент және маркетинг, қаржы, есеп және аудит саласында факультеттен түлеп ұшатын 500-дан астам бакалавр, магистр және Ph.D. докторлары бар;    Жоғары кәсіби оқытушылар ұжымы, оның ішінде 20 ғылым докторы, 45 ғылым кандидаты, 10 PhD докторы; классикалық университет дәстүрлерінің заманауи оқыту технологияларымен үйлесімін табады;  

Декан

Даулиева Галия Рахметовна

8 (727) 377-33-33

050038, Алматы қаласы, Әл-Фараби даңғылы, 71, БОҒ (Бас оқу ғимараты) – 3 Б,

Картадан қарау

Видеопрезентация

Факультет

 –  1949 жылы негізі қаланған, ең алғашқы деканы – ғылымына еңбек сіңірген  қайраткер Федор Алексеевич Жеребятьев.

 –  Қазақстан Республикасындағы экономикалық мамандықтар бойынша жоғары білікті мамандар, магистрлер мен Ph.D. докторларын дайындайтын ең үлкен және ең   алғаш құрылған орын.

 – Профессорларлық-оқытушылық құрам әрі беделді ғалымдар, әрі келешегі зор жас ғалымдардан тұрады, олар өз кезегінде Әл-Фараби атындағы ҚазҰУ-да әртүрлі уақытта жұмыс істеген танымал отандық экономистердің ізін қуып, ғылыми дәстүрлерін жалғастырып келеді.

 – 70-жылға жуық тарихында экономикалық профильдегі 15000-нан астам маман, 270 ғылым докторлары мен кандидаттарын, 2000 магистрлер мен Ph.D. докторларын   дайындап шығарды.

 –  Жыл сайын мемлекеттік білім грантының иегері атанған абитуриенттердің жартысынан астамы Әл-Фараби атындағы ҚазҰУ Экономика және бизнес жоғары мектебін   таңдайды. Себебі:

  • біздің түлектеріміз табысты әрі бәсекеге қабілетті және бизнес, ғылым, білім салаларында, ұлттық және шетелдік компанияларда, мемлекеттік қызметте  жоғары сұранысқа ие;
  • біздің студенттер, магистранттар мен докторанттар қазақ, орыс және ағылшын тілдерінде білім алып, өздеріне қолайлы жеке оқу траекториясы мен оқыту формасын таңдай алады; 
  • біздің студенттер екі дипломдық білім беру бағдарламалары арқылы шетелдік әріптес университеттің де дипломын алу мүмкіндігіне ие;
  • біздің студенттер оқудың бірінші күнінен бастап ғылыми-зерттеу қызметіне, жетекші ғалымдардың ғылыми жобаларына қатыса алады;
  • біздің студенттер университеттің қоғамдық өміріне белсенді ат салыса отырып, өздерін ары қарай жетілдіруге, жан-жақты дамытуға мүмкіндік алады.

 

  
 

Кафедралар

"Бизнес-технологиялар" кафедрасы Менеджмент кафедрасы Қаржы және есеп кафедрасы Экономика кафедрасы

Бакалавриаттың білім беру бағдарламалары

Білім беру бағдарламасы коммерциялық ұйымдар, ұлттық компаниялар мен мемлекеттік құрылымдар үшін отандық және халықаралық кеңістіктерде өндірістік және іскерлік үрдістерді сауатты ұйымдастыруға, ұйымның позициялау стратегиясын құруға қабілетті әр түрлі қызмет салаларын басқару саласында мамандарды даярлау болып табылады.

Білім беру бағдарламасының мақсаты – заманауи талаптарға жауап беретін және бухгалтерлік есеп, аудит, кәсіпорындардың шаруашылық қызметін талдау салаларында білімі бар және оларды тәжірибеде жүзеге асыруға қабілетті білікті, бәсекеге қабілетті кадрларды даярлау

Білім беру бағдарламасының мақсаты - заманауи қоғам дамуының деңгейіне және еңбек нарығының талаптарына сай келетін, экономиканың әр түрлі салаларында экономикалық талдау, бизнес-процесстерді жоспарлау және басқару әдістерін кәсіби қолдана алатын бітірушілерді сапалы дайындау.

Білім беру бағдарламасының мақсаты тек экономика саласында ғана емес, сонымен қатар мемлекеттік және жергілікті басқару саласында ұйымдастырушылық-басқарушылық қызмет саласында еркін бағдарланған басқарушыларды дайындау болып табылады.

Білім беру бағдарламасының негізгі мақсаты қазіргі заманғы логистикалық әдістерді қолдану негізінде кәсіпорындардың бәсекеге қабілеттілігін арттыру міндеттерін шеше алатын, логистикалық қызметтің қағидалары мен тұжырымдамаларын кәсіби меңгерген, халық шаруашылығының барлық салаларында кәсіби қызметке түлектерді дайындау болып табылады.

Білім беру бағдарламасының мақсаты – заманауи талаптарға жауап беретін және қаржы және қаржы жүйесі, банктер және банк жүйесі, қаржы менеджменті, бағалы қағаздар нарығы саласында білімі бар, қаржылық есептілікті жасау кезінде сыни талдау жасайтын білікті, бәсекеге қабілетті кадрларды дайындау. қаржылық жүйелер саласында ғылыми зерттеулер жүргізе алатын және оларды тәжірибеде қолдана алатын шешімдер

Мақсаты: еңбек нарығында бәсекеге қабілетті мамандарды сапалы дайындау үшін маркетинг саласында теориялық білімдер мен зерттеу әдістерін тәжірибеде қолдану, мемлекеттік және коммерциялық құрылымдарда кәсіби қызметтерді орындау, кәсіпорындардың маркетингтік қызметін талдау және жоспарлау, қазіргі заманғы талаптарды ескере отырып маркетинг саласында ғылыми зерттеулерді жүзеге асыру.

Отандық және жаһандық еңбек нарығының өзекті талаптарына сәйкес экономика саласында терең дағдылары бар, цифрлық экономиканы, электрондық бизнесті және цифрлық ресурстарды пайдалана отырып коммерцияны дамыту саласындағы міндеттерді шешуге қабілетті кәсіби кадрларды сапалы даярлау.

Магистратураның білім беру бағдарламалары

Бағдарлама жобаларды басқару саласында қазіргі заманғы білімді түсіндіру және жалпылау, ғылыми зерттеулерді өз бетінше жүргізу, жобаның мақсаты мен міндеттерін, жобаны орындау мерзімін анықтау, жобаны іске асыру процесін талдау және басқару, жоба командасын қалыптастыру, жобаның Жарғысы мен бизнес-жоспарын әзірлеуге қабілетті мамандарды даярлауға бағытталған.

ББ мақсаты - инновациялық менеджмент саласында құзыретті, креативті ойлауға және кәсіптік мәдениеттің жоғары деңгейіне ие, инновациялық кәсіпкерлікті дамытудың заманауи ғылыми және практикалық мәселелерін шешуге, отандық бизнес пен ұлттық экономиканың бәсекеге қабілеттілігін қамтамасыз етуге, басқарушылық , ғылыми-зерттеу, педагогикалық жұмыстарды мемлекеттік, жеке және қоғамдық ұйымдарда қызмет атқаруға қабілетті жоғары білікті менеджерді дайындау.

Бәсекеге қабілетті білім беру ортасындағы ең жоғары академиялық стандарттарға сәйкес қазіргі заманғы экономика саласында терең білімі мен азаматтық ұстанымы бар, қазіргі ғылыми және практикалық мәселелерді тұжырымдай және шеше алатын, дағдарысқа қарсы практикалық қызметтің қазіргі заманғы әдістерін меңгерген және педагогикалық, ғылыми-зерттеу және басқару қызметін табысты жүзеге асыратын магистрлерді даярлау.

Бағдарламаның мақсаты - 7М04117– Есеп және аудит мамандығы бойынша білім беру бағдарламасының мақсаттары бухгалтерлік есеп, аудит және талдау саласында терең ғылыми, педагогикалық, кәсіптік білімдері мен тәжірибелік дағдылары бар жоғары білікті мамандарды даярлауды қамтамасыз етуге, аналитикалық, ғылыми-зерттеу және тәжірибелік іс-шараларды жүзеге асыруға бағытталған.

Логистика (салалар бойынша) білім беру бағдарламасының мақсаты ең аз кедергілермен капитал, тауар, ақпарат және еңбек ресурсының бірыңғай экономикалық кеңістігін құру үшін макро-мезологистикалық жүйелер бойынша құзыреттілікті қалыптастыру болып табылады.

Бағдарлама халықаралық маркетинг саласында ғылыми мәселелерді шешуге қабілетті ғылыми-педагогикалық кадрларды даярлауға бағытталған; жаңа тұжырымдамалар негізінде ЖОО-да маркетингтік пәндерді оқытуды қамтамасыз етуге; ақпараттық технологияларды тарта отырып зерттеу жұмыстарын жүзеге асыруға, зерттеу нәтижелерін өңдеуге, маркетинг кешенінің барлық элементтеріне талдау жүргізуге; маркетинг стратегиясын әзірлеуге, олардың жетістіктеріне қол жеткізуге және маркетингтік технологияларды, сыртқы нарықтарда жұмыс істейтін ұйымдарда құралдарды енгізуге бағытталған.

Білім беру бағдарламасының мақсаты ішкі және сыртқы орта параметрлерінің өзгеруі жағдайында ұйымдарды, бөлімшелерді, қызметкерлер командаларын, жобалар мен инновацияларды басқару саласында қазіргі заманғы ғылыми және практикалық мәселелерді тұжырымдай және шеше алатын және педагогикалық, ғылыми-зерттеу қызметін табысты жүзеге асыратын жаңа форматтағы білікті кадрларды дайындау болып табылады.

Білім беру бағдарламасының мақсаты - академиялық және қолданбалы экономикалық мәселелерді, академиялық және аналитикалық салаларда шешу үшін қажетті жүйелік талдау мен әдіснамалық сауаттылық дағдыларына ие экономика саласындағы жоғары білікті бәсекеге қабілетті ғылыми және педагогикалық кадрларды дайындау.

«Қаржы» білім беру бағдарламасының мақсаты - жоғары оқу орнынан кейінгі білім берудің және ғылыми-зерттеу саласының стратегиялық ойлау мен әлеуметтік жауапкершілігі бар, қаржы саласындағы теориялық және практикалық міндеттерді шешуде ғылыми білімнің әртүрлі әдістерін, қаржы-экономикалық әдістер мен тәсілдерді қолдануға қабілетті жоғары білікті мамандарын сапалы даярлау.

Докторантураның білім беру бағдарламалары

Бизнестің тұрақты дамуын қамтамасыз ету үшін бухгалтерлік есепті дамыту стратегиясын әзірлеу мақсатында жаңа іргелі және қолданбалы білімді қолдану, цифрлық технологияларды пайдалану негізінде бухгалтерлік есептің теориясын, әдіснамасын жетілдіру және ұйымдастыру, ішкі бақылау және қаржы-шаруашылық қызметті кешенді экономикалық талдау бойынша бәсекеге қабілетті мамандарды сапалы даярлау.

Іргелі ғылыми және кәсіби дайындығы бар, мемлекеттік басқарудың қазіргі заманғы теориялары мен инновациялық әдістерін меңгерген, басқару саласындағы қазіргі заманғы ғылыми және практикалық мәселелерді тұжырымдай және шеше алатын, мемлекеттік басқарудың стратегиялық талдауының теориялық және әдіснамалық негіздерін және басқару жүйелерін жобалаудың қазіргі заманғы теориялары мен әдістерін терең зерделей алатын, инновациялық басқару технологияларын пайдалана алатын, мемлекеттік басқару саласындағы ғылыми-зерттеу және эксперименттік-зерттеу, ғылыми-педагогикалық қызметтерін ұйымдастыра және табысты жүзеге асыра алатын PhD докторларын дайындау.

ББ мақсаты логистикалық жүйелер мен процестерді оңтайландыру саласындағы ғылыми зерттеулерге креативті ойлау және шығармашылық көзқарас негізінде идеялар қалыптастыруға қабілетті іргелі ғылыми және кәсіби дағдылары бар PhD докторларын даярлау болып табылады

ББ мақсаты заманауи маркетингтік теория мен тәжірибе талаптарын ескере отырып, ақпараттық және сандық технологияларды, инновациялық және интеграциялық бастаманы пайдалану көмегімен жаңа іргелі және қолданбалы білімді құру негізінде ғылыми-зерттеу, сараптамалық, басқарушылық және педагогикалық қызметті табысты жүзеге асыра алатын отандық және халықаралық еңбек нарығында бәсекеге қабілетті жоғары білікті маркетолог, зияткерлік және кәсіби элитаны сапалы дайындау болып табылады.

Жобалық басқару міндеттерін идеяларды әзірлеуден бастап оны коммерциялық іске асыруға дейін; шаруашылық жүргізуші субъектілердің ииновациялық дамуының жаңа бағыттарын қалыптастыру; инновацияларды дамытуға ықпал ететін ішкі және сыртқы ортаны қалыптастыру арқылы кешенді шешу саласында терең ғылыми-зерттеу және ғылыми-педагогикалық білімі бар жоғары білікті ғылыми және ғылыми-педагогикалық кадрларды даярлау

Менеджмент саласында жоғары білікті, жоғары азаматтық ұстанымы бар, үдерістер мен кадрлық активтерді басқара алатын, компанияның стратегиясын қалыптастыра алатын, стратегиялық және жедел міндеттерді анықтай алатын және қазіргі заманғы IT-технологияларды пайдалана отырып, басқару құралдарын қолдану арқылы олардың жетістіктеріне қол жеткізе алатын ғылыми-педагогикалық кадрларды сапалы даярлау.

Жобаларды басқару ғылымының теориялық және әдіснамалық негіздерін терең зерделеу негізінде экономикада, білім беруде, әлеуметтік салада инновациялық жобалық қызметке қабілетті, сондай-ақ жобаларды басқару ғылымын дамытатын жаңа тұжырымдамалық білім құруға қабілетті сабақтас ғылыми салалар мен цифрлық технологиялардың білімі мен әдіснамасын жүйелі пайдалана алатын жоғары білікті ғылыми және ғылыми-педагогикалық кадрларды даярлау, ғылыми пікірталастар жағдайында, соның ішінде халықаралық пікірталастарда, мамандарға оны дәлелді түрде ғылыми іс-шараның жұмыс тілінде таныстыру.

ББ мақсаты қазіргі жаһандық экономикалық ортаның талаптарына сай келетін, елдегі және әлемдегі заңнамалық өзгерістер мен қаржылық жағдайларға жедел және тиімді жауап беруге қабілетті, ғылыми-бағдарланған ойлау, практикалық дағдылардың кең спектріне ие қаржы және салық салу саласындағы әмбебап мамандар мен консультанттарды даярлау болып табылады:қаржы және салық салу саласында іргелі ғылыми білімі бар, шет тілдерін, қазіргі заманғы ақпараттық және инновациялық технологияларды кәсіби меңгерген; - қаржы нарықтарындағы өзгерістерді сыни тұрғыдан талдай алатын және компания қызметін басқара алатын, тиімді қаржылық шешімдерді бағалай және синтездей алатын маман; - ғылыми-педагогикалық, ғылыми-зерттеу және эксперименттік-зерттеу қызметін ұйымдастыру және табысты жүзеге асыру; - қаржы және салық консалтингі саласындағы ғылыми жобалар мен зерттеулерге сараптама жүргізуге құзыретті.

Экономика саласындағы келесі қабілеттерге ие жоғары білікті мамандарды сапалы дайындау: - қазіргі заманғы экономиканың негізгі принциптерін, әдіснамасын, әдістерін түсіндіру; - экономикадағы және мемлекеттің экономикалық саясатындағы ғылыми теориялар, тұжырымдамалар, себеп-салдар байланыстарын жүйелеуге және интерпретациялауға; - ұйымдастырушылық және экономикалық тетіктерді жетілдірудің негізгі тәсілдерін, басқару әдістерін, жаһандану жағдайында тәуекелдерді басқару негізінде түрлі салалардағы кәсіпорындардың қызмет стратегияларын әзірлеуді негіздеу; - әртүрлі деңгейдегі дамушы елдерде және тұтастай әлемде экономикалық, экологиялық, демографиялық және саяси үдерістерді талдау мен түсінудегі жүйелі тәсіл негізінде жаһандық үрдістерде тәуелсіз ғылыми зерттеулер жүргізу; - ел экономикасындағы ағымдағы жағдайды макроэкономикалық талдау тұрғысынан бағалау, дағдарыстық құбылыстардың пайда болу себептерін анықтау және оларды экономикалық және математикалық модельдер негізінде жоюдың мүмкін жолдарын көрсету; - семинарларда және конференцияларда, оның ішінде халықаралық тілде сөйлегенде талқылау барысында өздерінің ғылыми пікірін қорғап, негізді түрде қорғай алады.

Білім беру бағдарламалары

Бакалавриат: Алматы қаласы, әл-Фараби даңғылы,71

СҚО "Керемет",

тел. +7 727 377 33 30 мекен-жайы бойынша.

Телефон номері : +7 727 221-10-00, +7 727 221-10-10.

Ішкі: 1000

Магистратура және докторантура: Алматы қаласы, әл-Фараби даңғылы,71

СҚО "Керемет",

тел. +7 727 377 33 30 – Қабылдау комиссиясы

Ішкі: 1000

QS.docx
QS каз.docx

Научно-исследовательская деятельность"


Халықаралық ынтымақтастық


Научно-образовательные и методические центры


Біздің түлектер