08.04.2021. «Алашының азаттығын аңсаған». Ұлт көсемі Әлихан Бөкейхановтың туғанына 155 жыл толуына арналған кураторлық ашық сабақты топтың куратор-эдвайзері Б.Қ.Әбенов ашып берді. Староста Құттыбек Жанна жүргізген сабақта әрі қарай студенттер Абукаримова Анель Ә.Бөкейхановтың өмірбаянын, Әбдімомынова Аружан Ә.Бөкейхановтың қайраткерлігін, Өмірзақ Мерей оның аудармашы-публицист ретінде атқарған қызметін баян етсе, Базарханов Дархан көсем басқарған Алаш партиясының бағдарламасы мен Алашорда автономиясы туралы слайд-шоу көрсетті. Тым жылдам бітіп қалған сағаттың соңында тұжырымдама сөз сұраған Б.Қ.Әбенов ұлт көсемінің үлкен энциклопедист-ғалым болғанын, артына мол өшпес мұра қалдырғанын атап өтті.
