23 қаңтар 1934 жылы алғашқылардың бірі болып Ботаника кафедрасы құрылды.

 1938 жылы кафедраға профессор А. С. Лазаренко шақырылды. Оның келуімен ботаника кафедрасының базасында екі жеке кафедра ұйымдастырылды: жоғары Өсімдіктер систематикасы кафедрасы және төменгі өсімдіктер систематикасы кафедрасы. Жоғары Өсімдіктердің систематикасы кафедрасын профессор Н.В. Павлов, ал төменгі Өсімдіктердің систематикасы кафедрасын профессор А. С. Лазаренко басқарды. 1940 жылдың күзінде екі ботаникалық кафедра қайтадан "Ботаника кафедрасы"деген атпен біріктірілді. Кафедра меңгерушісі профессор Н.В. Павлов баскарды.

Ұлы Отан соғысы жылдарында (1941-1945) кафедраның оқытушылар құрамы біршама өсті. Оның құрамына проф. Н. В. Павловтан басқа доценттер кірді: С. Р. Шварцман, Н. г. Агеева, ассистенттер: В. С.Корнилова, м. Н. Кузнецова, в. г. Хржановский және 1939 жылдан бастап - Б. А. Быков.

Осы жылдар ішінде кафедраны басқарғандар: 1961-1964, 1975-1980 жж. Б.И.Тарабаева; 1964-1973 жж проф. В.С.Корнилов, 1973-1975 жж проф. И.О.Байтулин, 1980-1984 жж доц. П.М.Мырзақұлов, 1984-1989 ж.ж проф. С.А.Бедарев, 1989-2005 жж проф. Мұхитдинов Н.М.

 ҚазҰУ зоология кафедрасының ресми ашылуы 1934 жылдың 15 қаңтарында болды. Оның қызметкерлері әр кезеңдерде кафедраны басқарды: академик КСРО ҒА, б.ғ.д., профессор А.Н. Бартенев; академик АН КазКСР, б.ғ.д., профессор Б.А. Домбровский; б.ғ.д, профессор А.С. Космачевский; м.ғ.д., профессор П.О. Исаев; б.ғ.д., профессор А.А. Емельянов; аға оқытушы В.С. Бажанов; академик КСРО ҒА, б.ғ.д., профессор В.А. Догель; б.ғ.д, профессор. И.Г. Галузо; б.ғ.д, профессор Н.З. Хусаинова; б.ғ.д., профессор В.А. Хахлов; б.ғ.д., профессор В.В. Шевченко; б.ғ.к., доцент М.К. Жұмалиев; б.ғ.д., профессор В.П. Митрофанов; б.ғ.к. А.Ф.Сидорова; б.ғ.к., доцент М.Е. Ділмұхамедов; б.ғ.к., доцент К.Б.Олжабекова, б.ғ.д., профессор И.С.Көлбай, б.ғ.д., профессор С.Т.Нұртазин

2006-2007 жылы кафедра меңгерушісінің атқарушылық міндетін б.ғ.д., профессор И.С.Көлбай атқарды. 2007 жылы қыркүйек айында Ғылыми Кеңестің шешімімен зоология және ихтиология кафедрасы мен цитология және гистология кафедрасында бірлестіктер орын алды. Біріктірілген кафедра зоология және гистология кафедрасы болып аталды. Кафедраның меңгерушісі болып б.ғ.д. профессор С.Т. Нұртазин сайланды. Сол себепті екі кафедраның ғылыми бағыттары көп жағдайда сәйкес келетіні ескерілді, сонымен қатар цитология және гистология кафедрасы өз уақытында зоология кафедрасынан бөлініп шықты.

2011-2014 жылдар аралығында биоалуантүрлілік және биоресурстар кафедрасының меңгерушілік міндетін б.ғ.д., профессор Айдосова Сәуле Сағидоллақызы атқарды.

2014-2016 оқу жылында кафедраның меңгерушісі болып б.ғ.д., профессор Қанаев Әшімхан Тоқтасынұлы басшылық етті.

2016 жылдан 2023-жылдың қыркүйегіне дейін Биоалуантүрлілік және биоресурстар кафедрасының меңгерушісі болып б.ғ.д., профессор Құрманбаева Меруерт Сәкенқызы жұмыс атқарды.